IEO Edicions
Cronicas de Caravetas (lg) (ATS 77)
Parution : 01/10/1982
ISBN : 9205
144 pages
7.00 €
Francés DESEUSE - L'escotaire
Cronicas de Caravetas (lg) (ATS 77)
reculhidas per JF Brun
Francés Deseuse, l’Escotaire : "Una granda òbra a tornar publicar". Aquelas cronicas, perdudas dins las quauques colleccions existentas de la revista, èran gaireben inacessiblas au public qu’aurià degut èstre lo sieu. E amb lo temps, veniàn quicòm d’un pauc legendari.
trenta ans après la mòrt de son autor, las condicions de l’edicion occitana rendon enfin possible de tampar aquela manca.
cau legir aqueste libre coma un antitèxte, negacion de la farlabica literarià de son temps, òbra d’una originalitat poderosa, inspiracion nòva abeurada a las fònts de la saviesa populara e que deu pas res a quau que siàga, si que non, com o ditz Jòrdi Frèche dins sa prefàcia, a "Montpelhièr, capitala d’aquel pichon reiaume que Ròse, Mar, Pirenèus e Cebenas anrondan d’una talhòla d’asur e de campèstre... La galejada e l’umor joiosa dau pichon pòble : Francés Deseuse se en vouguèt umilament, fièrament, l’Escotaire".

Francés Deseuse (François Dezeuze en francés), mai conegut coma L’Escotaire - Montpelhièr, 7 d’abril de 1871 - 1949) foguèt un escrivan clapassièr, autor dramatic e cronicaire dins lo famós jornal occitan montpelhierenc de la debuta del sègle XX : La Campana de Magalona.
Francés Deseuse nasquèt a Montpelhièr dins una familha modèsta del pòble en 1871; son paire èra vinhairon. Quand aviá pas que dètz ans copièt una pagina d’almanac tant plan que lo Rector Chancel foguèt meravilhat pel talent del dròlle e lo faguèt venir borsièr a l’Escòla dels Fraires al Licèu. Faguèt d’estudis brilhants e se marquèt en drech. Aprèp qu’obtenguèt la licéncia ensagèt de venir notari e puèi dobriguèt una paperariá. L’Escotaire foguèt, amb Renat Tulet, un dels organizaires mai importants dau grop d’occitanistas e catalanistas de Montpelhièr, los Dissabtièrs.

Réalisation : William Dodé - www.flibuste.net | Graphisme www.charlottelambert.net | IEO Difusion - IEO/IDECO - ZA plaine St-Martin - 81700 Puylaurens Remonter Repojar