IEO Edicions
Setembralas (lg) (ATS 120)
Parution : 01/01/1994
ISBN : 2859101616
256 pages
18.50 €
Joan-Frederic BRUN
Setembralas (lg) (ATS 120)
Au semblant dau legeire d’òc que conois la jòia de s’escapar dins la vertat inamorçabla dau païs viu, la polida lingüista anglesa Heather sauta la parabanda de la rota e partís dins lo bartàs. Tòmba dins un incresable formiguièr de destinadas entremescladas. «Aicí, çò dirà un protagonista, se passa pas jamai res d’ordinari.» Ò que non ! E plan fin lo que pòt destriar ont s’acaba o sòmi o la barjadissa e ont comença la realitat. Mens que pertot dins lo castèl de la Liquièira, a tocar lo vilatge, aquí que n’acaba de se desfar la grandor passada de la familha de Tribas amb los pichons darrièrs, Ricard e Apollina...

Joan-Frederic BRUN, nascut en 1956 a Montpelhièr, descobriguèt tot jovent qu’aquel praulís liure coma lo vent que florissiá a la boca dels vièlhs èra dempuòi mil ans una granda lenga de literatura... Ont se podiá retrobar la vida druda e gostosa, las colors, las sentidas, lo païs dins tot son ample, portat per aquela sintaxi que se plega au reglet de l’imaginacion a luòga de li servir de carcon. Dempuòi sos primièrs poèmas (1974) fins al roman, Lo retrach dau Dieu Negre (A Tots, 1986), e Setembralas (1994).

Mètge espitalièr e cercaire, collaborator de la revista ÒC, publiquèt en 1979 son primièr recuèlh de poèmas «Estius e Secaresas»

Réalisation : William Dodé - www.flibuste.net | Graphisme www.charlottelambert.net | IEO Difusion - IEO/IDECO - ZA plaine St-Martin - 81700 Puylaurens Remonter Repojar