IEO Edicions
PLEGA de NADAL ATots 2023

Parution : 06/11/2023
13.5 x 18 cm
49.00 €
Franco de port
Miquèu ARNAUD - Joan GANHAIRE - Joan-Claudi PUECH - Joan-Claudi SÈRRAS
PLEGA de NADAL ATots 2023
4 libres de literatura en occitan
Joan Ganhaire
Enquestas a la lesta

« Mai quò ‘nava, mai lo comissari Darnaudguilhem sentiá que quela scena de crime era pas coma las autras. A la debuta, quo era estat d’una granda banalitat. Una vielha femna matrassada dins son apartament de la vielha vila, segurament per quauque arcandier vengut li raubar sas economias. Pas bien de misteri quí-dedins. »
Dietz novelas per dietz enquestas dau famós comissari Alexandre Darnauguilhem, dau comissariat de Maraval, de Nauta Dordonha.
A Tots Crimis n°237 (novèlas). 160 p. 15 €

Miquèu Arnaud
La Nassa

Febrier de 1474, lo rei de França deu tenir targa au còp a l’Anglés e au Borguinhon. Mau que mau contèn leis enemics mai quasi tota l’armada es sus lo pè de guèrra e son marge de manòbra es estrech. Pasmens, Loís XI tèsta aquí vòu espandir sa tela. Provença, terraire fòrça ric, dubertura segura sus la Mediterranèa es una pèça màger de l’espandiment. Mai sei projèctes son contrariats, que lo rei Reinier decidisse de lo deseiretar.
Abramat, arrogant, plen de cròia, es pas possible per eu de pèrdre la fàcia. Adonc, ordisse un plan per esbrandar lo còmte de Provença e ansin s’apoderar dau comtat.
A Tots n°238 (roman). 324 p. 17 €

Joan Glaudi Puech
Vint jorns au bot de l’Antropocèn

« Per la terapia me demandèt de faire un esfòrç e d’adoptar, un temps solament, lo manifèst de Thoreau dins “Walden”. Me diguèt qu’aqueu libre èra estat una revelacion per fὸrça femnas e ὸmes dau sègle XX, l’esvelh a un rapòrt diferent au Monde, Bob Dylan per exemple, Rachel Carson, e mai pròche de nosautrei geograficament lo quite José Bové. Anar viure per bòscs, acantonar la vida, la trocejar d’aise d’aise en morselons per ne saborar tota sa substància fins a tocar au sublim, perqué pas ? E puei ont anar? Que faire? Ai signat. »
A Tots n°239 (roman). 136 p. 14 €

Joan-Claudi Sèrras
Bóstias
Lo Sòmi d’Ipocrates e autras istòrias de Bóstias
Aqueste obratge, majoritariament escrit en 2021, prepausa una garba de tèxtes sus una tematica qu’es lo camp lexical de las bóstias. Se tracha pas d’un recampament a posteriori d’òbras qu’òm se maina de lor punt comun mas d’una experiéncia d’escritura a constrencha prealabla sens cap de limita de las variacions possiblas. Balha de tèxtes de tota mena, de tota dimension, de tota tonalitat, de l’umorisme a la tragedia, de la poësia al fantastic. Dins la darrièra istòria, Lo Sòmi d’Ipocrates, la pus longa, a l’encòp realista e filosofica, la situacion contemporanèa evocada, la del Covid, ven premonitòria e lèu, qual sap ?, la ficcion poiriá èsser confortada e/o trespassada per l’anar del mond. A mens que ne demòre son qu’un marrit sovenir que pauc a cha pauc d’autras preocupacions, jutjadas mai urgentas encara, vendràn escafar…
A Tots n°240 (novèlas). 344 p. 17 €

Michel Arnaud est né à Marseille. Très rapidement, il s’est interessé à la langue et à la culture occitanes de Provence. Plus tard, il s’installa dans un village à côté de Marseille à une époque où une bonne partie des habitants parlaient encore la langue du pays. C’est en famille qu’il se perfectionna dans son parler provençal maritime. L’envie de partager l’occitan et de garder vivante son usage l’amenèrent à l’écriture, avec un premier roman : Quora la matèria...
Miquèu Arnaud es naissut a Marselha. Pron lèu, aguèt una enclinacion per la lenga e la cultura nòstras. S’installèt puei dins un vilatge pròche Marselha dins un temps qu’una bèla part deis abitants parlavan la lenga dau brèç. Es en familha que se perfeccionèt dins lo parlar provençau maritim. L’enveja de partejar l’occitan e de gardar viu son usatge lo menèron a escriure son premier roman, Quora la matèria...

Joan Ganhaire (en français Jean-Leopold Ganiayre), est un écrivain périgourdin qui écrit ses œuvres en occitan limousin. Il est né à Agen en Lot et Garonne le 21 mai 1941. Après avoir suivi ses études secondaires à Périgueux, il étudia la médecine à Bordeaux pour s’installer en Périgord où naquit sa vocation d’écrivain occitan. Il obtient le prix Jaufre Rudèl en 2001 avec son œuvre Lo viatge aquitan.
Joan GANHAIRE (en francés Jean-Leopold Ganiayre) es un escrivan perigordin qu’escriu sas òbras en lemosin. Es nascut a Agen en Òlt e Garona lo 21 de mai de 1941. Après aver seguit sos estudis segondaris a Peireguers estudièt la medecina a Bordèu per s’installar com mètge en Peirigòrd ont naissèt sa vocacion d’escrivan occitan. Obtenguèt lo Prèmi Jaufre Rudèl en 2001 amb son òbra Lo viatge aquitan.

Joan Glaudi Puech. Foguèt a l’azard d’un rescòntre (Coma ? Sas pas cu es Joan Bodon ?) que Joan Glaudi Puech reçaupèt en plen la realitat de sa prὸpria negacion e dins lo meme temps la respὸnsa a aquela nafradura invisibla que de lὸnga lo secutava e que retrobava tanben, d’un biais fosc, dins tota Occitània, de la Castanhau Cantalèsa onte nasquèt fins a Provènça onte demorèt trenta cinc ans de temps. Se faire una gaug d’escriure, sempre, maugrat leis auvaris, lei maganhas, entre lei gotas. Necessitat vitala per dire nὸstre biais d’èstre au Monde. Es sa tὸca.

Jean-Claude Serres est né en 1944 dans le Tarn. Professeur de lettres classiques et d’occitan, romancier, il fut responsable des éditions IEO IDECO de 1987 à 1995. Collaboration à la rédaction du Lexic Elementari (IEO 1996) et du Tot en òc (IEO, 2002).
Joan-Claudi Sèrras es nascut en 1944 dins Tarn. Professor de letras classicas e d’occitan, romancièr, foguèt responsable de las edicions a IEO-Ideco de 1987 a 1995.
Collaboracion a la redaccion del Lexic Elementari (IEO, 1996) e del Tot en òc (IEO, 2002).

Réalisation : William Dodé - www.flibuste.net | Graphisme www.charlottelambert.net | IEO Difusion - IEO/IDECO - ZA plaine St-Martin - 81700 Puylaurens Remonter Tornar pujar