Oc ben, l’occitan es una de las lengas naturalas del rugbí deà XIII. La pròva n’es aqueste libre, que mescla totas menas de genres literaris, de la cronica esportiva a la novèla.
I trobaretz la reedicion del roman de Raimond Gougaud, L’Afirolada (1981) mai una novèla del meteis autor. Lo libre torna prene tanben una novèla de Sèrgi Viaule, Cossí lo XIII salvèt la planeta.
Cristian Almerge e Albert Bueno prepausan de cançons al torn del XIII, Jo Salès conta l’epopèa d’una equipa minerbesa a la debuta de las annadas cinquanta, e lo musician Felip Carcassés se remembra lo legendari Papillon. Prefaciat per Joan-Francés Albert, ensenhaire a la calandreta de Carcassona e director esportiu del club tretzista de la vila, l’obratge pòrta enfin la marca d’Alan Roch amb mai d’una de sas cronicas vodadas al XIII.