la librariá IDECO
Las que dançavan dins la lutz

ISBN : 9782849741481
192 pages
14.00 €
Joan-Frederic BRUN
Las que dançavan dins la lutz
1 exemplaire disponible
Amb Las que dançavan dins la lutz, Joan-Frederic Brun tòrna sul camin qu’aviá ja seguit dins lo sieu volum de racontes Lo temps clar de las Encantadas (Institut d’Estudis occitans, Atots, 2005). I Aprigondís tanben son exploracion d’un univèrs d’aparéncia plan realista, lo dels terraires de causses e de montanhas que fan lo rèire país de Montpelhièr, entre vinhas, Larzac e Cevenas. Mas coma sovent en cò d’el, es pel biais de creaturas legendàrias o mitologicas, manlevadas als racontes del luòc o nascudas, se pòt plan, del quite imaginari de l’escrivan, qu’aquela exploracion nais e se desplèga. Los limits entre realitat e fantastic ne son d’aquí trebolats, fins a se dissòlver al benefici d’una autra realitat, saique mai presenta e mai vertadièra que la que la cresiam conéisser. Las uèch novèlas aicí recampadas, La jove giganta, Lo secrèt,Lo gorg negre, Nautas tèrras, L’anèl de la serpnassa, Eissam, Roquets e Lo ròc dau miegjorn nos apareisson coma tant de cabussadas a l’encòp agradivas e abissalas dins lo mond del narrator. Los encants d’un estil pivelant an lèu fach d’entraïnar lo legeire dins aqueles avencs de clartats e d’ombras ont se debanan d’aventuras que las podèm aital faire nòstras.

Joan-Frederic BRUN, nascut en 1956 a Montpelhièr, descobriguèt tot jovent qu’aquel praulís liure coma lo vent que florissiá a la boca dels vièlhs èra dempuòi mil ans una granda lenga de literatura... Ont se podiá retrobar la vida druda e gostosa, las colors, las sentidas, lo païs dins tot son ample, portat per aquela sintaxi que se plega au reglet de l’imaginacion a luòga de li servir de carcon. Dempuòi sos primièrs poèmas (1974) fins al roman, Lo retrach dau Dieu Negre (A Tots, 1986), e Setembralas (1994).

Mètge espitalièr e cercaire, collaborator de la revista ÒC, publiquèt en 1979 son primièr recuèlh de poèmas «Estius e Secaresas»

Réalisation : William Dodé - www.flibuste.net | Graphisme www.charlottelambert.net | IEO Difusion - IEO/IDECO - ZA plaine St-Martin - 81700 Puylaurens Remonter Tornar pujar