... Mès tot sobte que larga un crit. la gròssa tataranha negra de ièr qu’ei de nau aquiu, a galaupar sus la blancor deu plafons. Mès qu’ei copada en dus, e n’i a pas aquiu que la partida anteriora, un torax velut dab ua boca en abans e quate patas qui caminan estrossament. L’Unic qu’a lo còr qui’u tresvira e que cluca los uelhs. Quan los torna draubir, que’s vira e que destria un enòrme abdomèn qui s’arrossega possivament sus quate patas. L’Unic que gaha la vomidèra, mès que’s rasona e torna prénguer lo son dejunar. L’estomac pleat, que’s sentish melhor : "qu’èi devut engolir quauqua substànica allucinogèna, que’s digoc. Aquò n’ei pas arren. Que cau demorar"