Dins l’endrechièira que traçava lo restabliment dau nom occitan de nòstras carrièiras a costat de son nom francés, la represa de l’operà occitan de Mondonvila, après dos sègles de proscipcion a l’aficha, marca a quinte ponch nòstra Municipalitat entend prene au seriós la signatura unanima que donèt a la peticion de l’I.E.O. per l’occitan lenga nacionala a costat dau francés.
[...]
Trabalham pas a auborar un musèu, quand foguèsse viu : me sembla pas ni inversemblable, ni injuriós per l’unitat nacionala, que l’occitan deman siague parlat a costat dau francés per la generacion de nòstres enfants, emai dels enfants qu’aculhirà, coma totjorn o sachèt faire, nòstra tèrra d’òc. L’obertura de "Calandretas" n’es lo gatge, coma Dafnís la promessa. (Jordi FRECHE)