Parution : 06/11/2024
ISBN : 9782859106515
276 pages
13.5 x 18 cm
16.00 €
ISBN : 9782859106515
276 pages
13.5 x 18 cm
16.00 €
A vint ans e de poscas, Joan, inchalhent, apatic e fug-l’òbra, es presonièr d’una vida estequida. Cròcamòrt, estudiant, magazinier – entre autres mestièrs –, tempta sens conviccion de se’n sortir. D’una vila occitana a Jerusalèm en passant per París, son itinerari nos entraïna dins d’aventuras picarescas e comico-sentimentalas.
Michel Fraysse, nascut a Tolosa, a viscut a Barcelona, Lyon e París. Ara viu e trabalha a Tolosa. En francés, es l’autor del roman Ferveur Violette (Edicions Vent Terral). Après Los Beatles de Sant Çubran (IEO edicions) L’Estiu coma un ocean es son segond roman en occitan.
« Èri quilhat, fàcia a la mòrta. Regde e silenciós, coma ela, levat qu’èri vivent.
– E ara, sense vos comandar, vos anam demandar de sortir qualques minutas.
La votz de Prospèr èra una mescla de doçor e de fermetat. La filha e son marit, la cosina e son filh, la vesina e la gardiana, totes quitèron la cambra. Solide que n’i avián qu’èran deceputs de dever sortir. Anavan mancar quicòm. L’espectacle èra privat.
Prospèr tampèt la pòrta e nos donèt de vam, a sota votz.
– Fai tirar camaradas, cadun la sieuna. Enfin, me comprenètz...
Empunhèrem la vièlha, dos de cada costat del lièch. Un parelh per las cambas e un autre per las espatlas. Èra leugièra coma un baston dessecat. »
– E ara, sense vos comandar, vos anam demandar de sortir qualques minutas.
La votz de Prospèr èra una mescla de doçor e de fermetat. La filha e son marit, la cosina e son filh, la vesina e la gardiana, totes quitèron la cambra. Solide que n’i avián qu’èran deceputs de dever sortir. Anavan mancar quicòm. L’espectacle èra privat.
Prospèr tampèt la pòrta e nos donèt de vam, a sota votz.
– Fai tirar camaradas, cadun la sieuna. Enfin, me comprenètz...
Empunhèrem la vièlha, dos de cada costat del lièch. Un parelh per las cambas e un autre per las espatlas. Èra leugièra coma un baston dessecat. »
