Deu pas essèr qu’una mala cachavièlha ! Fasti, fasti sens nom. E tot lo sant Clame del jorn, lo fasti t’a pegat al còr. perqué sonèt pas lo despertador ? Aquesta nuèit, una putacanha de copadura d’electricitat... te quilhères coma un difunt a l’ora de l’apocalipsi... Aviás un contracte de passar uèi lo dia, ne te deviá far valer davant l’inspeccion. Lo quite jorn d’aquela caraunha d’encargat de las ressorças umanas passava sa puta d’inspeccion ! te cresi... Arribat una ora un quart tardièr, passèron l’afar dirèctament ambe aquel negre corbàs, sense tu. lo manja-caganha te manquèt pas de far saber lo gaug que teniá de se saber poder dispensar de tu. La fin del mes s’apelariá "caumatge".