Las masquetas, ne cambiam, ne botam una sus l’autra sens relambi. masqueta fisica : peruca, maquilhatge, protèsis, barba falsa o vertadièra... Masqueta sociala : titol, vestit, sorire, discors... Masqueta intellectuala : sistèmes, ideologias, nominalismes... Masqueta politica (!)...
Darrèr los decòrs, las veirinas, las ombras, los miralhs, totas aquelas enganadoiras, existís encara un essèr vertadièr ?
Qual sap se sèm pas programats per creire que pensam dins un mond ont son privilegiats lo reflèxe e la letargia, los imatges farlabictas de al television e l’ensenhament condicionaire ?
Alara paradòxe e deliri que dins queste recuèlh teisson un vintenat d’istòrias estranhas poirán èsser un mejan per tornar metre las causas dins lo bon sens, un biais de far venir visbiles los fials de las mariòotas e de levar las masquetas...