- Mas cossí vos, a vòstre atge, avètz pogut participar a l’espectacle en montant un tal numerò ?
- Vos estona ?... Vos dirai que per ieu èra causa simpla. L’equilibri m’es estat un exercici costumièr. E cresi qu’es plan necessari dins la practica de l’occitanisme : aqueste se deu gardar de virar a l’elitisme coma de tombar dins la vulgaritat, de s’enrotinar dins de repapiadas coma d’elucubrar de fantasiás que dgun i compren res... Se deu gardar d’una aconsomida mortala coma d’accions utopicas plenas de dangièr... Tot aquò, vesètz, es ben coma de caminar sus una còrda regda...

M. Lapluma, Occitània Circus
Andrieu Lagarda in Gai Saber n°468.