De conte en raconte, d’escauma en escauma, lo pescaire de paraulas s’emplena lo cap d’istòrias, de cants, de contairòlas e contaralhas, de legendas e mitologias que gents, bèstias e sòmis de la mar, del cèl e de la tèrra n’an fait present a la serena de riba de mar :
Antòni, lo mercand d’òli ; l’ase de picas ; Babaròta, Pataròta e Pataraunha ; Bròc-Broquet ; lo cagaròl Croquinhòl ; los esquiròls Brugairòl e Pataròl ; la Gata blanca ; lo gat gata-miaula ; l’aviator Balandram ; Coscorilh de milh ; Oscar-Gontran Milhauca ; las bruixas catalanas ; la Faramauca ; la Luna mercruda ; la ninfa poparuda ; la Crab’estela ; la Mòrt-peleta ; Camba Crusa ; Artaban e Barratal ; lo Ciclòp ; Ercules e Pirena ; Lo Morrut ; la Cigonha-caulet ; Senseringalha ; l’auca de Lauquet ; l’ironda-serena e l’ironda de prima ; lo pavon de Pavia ; Còrbas negre ; lo mèrle de la coa blanca ; lo rei-petit Joan-Petit e lo rei d’Occitania ; Lulú, la merluça ; Firbèc ; la cloca anglesa ; lo tiron riton ; la lauseta magra ; lo parpalhòl de sarralha ; lo ligombau ; la luscambra ; lo lop-garon ; la Mandra vinhairona ; Mèstre Rainal ; Pif, lo gos ; los tamarons dançaires ; la sèrp-volaira ; lo colòbre ; l’espulha-sèrp ; Gabrièla l’abelha ; Padena, la talabrena ; lo peis de la Corona ; lo tonton Ipopotam ; los ratonets al bufa-li ; la Mirgueta Rosegueta ; Cendroseta ; Saurineta ; los sèt nanets ; un Quatre de chifra ; las bèstias del circ amar ; la Tartuga Clèsca-dura ; lo Vent marin ; un maquinhon ; un potingaire ; Zin-zin, lo violonaire ; un trobador enlobatit ; l’Enfant polit ; Entamenadet ; l’Omenet de pan d’espécias ; tres o quatre espaurugals ; lo Rei de Carnaval ; Mala-sòrt ; Masca-topina ; Sarra-piastras ; Truca-merluça ; la Mameta Romega ; Dòm Esquichòte ; Fileàs Fòc ; Pèire Pan ; Pinòqui ; Tap pichon, Pamperigosta ; Fanfaron lo faraon ; lo paure Estabosit ; Pòrta-montanha ; Rascla-codena ; Tampon-caramèl ; Joan de l’Ors...