Aqueste libre es un testimoniatge sus la vida de Robèrt Martí a travèrs de las personas que costejèt e dels actes que pausèt dins sa vida d’òme, d’escrivan e de contaire.
De fòtos e d’illustracions qualitadosas acompanhan los tèxtes signats de: Claudi Alranq, Josep Arasa Ferrer, André At, Mirelha Braç, Joaquín Castillo Blanco, Bernat Cauhapè, Joan-Loís Cortial, Olivièr Daillut, Josiana Daunís-Martí, Joan-Claudi Forêt, Eric Fraj, Jacme Gaudàs, Roger Harvey, Sèrgi Javaloyès, Sèrgi Labatut, Florant Mercadièr, Danièl Rifà, Alan Roch, Estefe Ros, Joan-Claudi Sèrras, Claudi Sicre, Joan Thomàs, Muriel Vernières, Sèrgi Viaule, Joan Vilòta.

La coordinacion del libre foguèt assegurada per Josiana Daunís-Martí e Eric Fraj.

"L’idèa d’un libre-omenatge a Robèrt nasquèt quasiment sulpic après
sa despareguda, talament èran fòrts los signes de simpatia e de pena
que m’èran adreiçats. Lo cap d’orquestra d’aquel trabalh de collècta de
tèxtes, lo que me sostenguèt dins aquesta intencion, l’amic de totjorn:
Eric Fraj, obrèt per que uèi aquel libre pareguèsse. L’Institut d’Estudis
Occitans e la generositat dels donators per la placa funerària, aital
coma los participants a la serada que se debanèt a l’Ostal Joan Bodon,
permetèron aquesta parucion. Que ne sián aicí totes mercejats."

Josiana Daunís-Martí