Parution : 29/06/2018
ISBN : 9782859105921
232 pages
13,5 x 18
15.00 €
ISBN : 9782859105921
232 pages
13,5 x 18
15.00 €
Jòrdi PELADAN
A planta cotelet (ATS 214)
La bastisson d’un camin de fèrre de granda velocitat que desplega sa fina dentèla de betum a travèrs vinhas e garrigas e destorba lo terren d’acuelhença reservat al monde del viatge. Una anciana actritz del X qu’abarís de cabras en Cevena. Un òme que se fa crudelament escotelat. Un parelh de colcavestits filosòfs e gastronòms. Un novèl comissari sedusent e un inspector amator de formatge. En tela de fons lo maridatge per totes e d’ancians companhs de licèu que se tornan rescontrar vint ans puèi. Tot aquò e encara mai espera dins son enquista fòra dralhas la sobrepolida detectiva Margarida Cercamond e son fidèl luoctenent, lo Rogièr Pagés. Capitarà amb son gaubi costumièr e son charme natural qu’utilizarà sens cap de moderacion, de se despegar d’aquel borbolh ?
Jòrdi Peladan est né à Alès en 1938 d’une famille cévenole. Il enseigne les mathématiques et l’occitan. Militant occitaniste, il s’est engagé auprès de l’Institut d’Estudis Occitans, la MARPOC, les Calandretas et l’Universitat Occitana d’Estiu.
Jòrdi Peladan nasquèt en 1938 a Alès d’una familha cevenòla. Demòra a Nimes mas a servat l’ostal pairal, un mas perdut de la Cevena. A ensenhat las matematicas a l’Universitat de Montpelhièr. Diplomat d’occitan, ensenha aquela lenga dins los talhièrs de la Marpoc, que n’es estat president una brava passa, e al CADREF de Nimes e Alès. Membre de l’IEO, faguèt partida de son conselh d’administracion e foguèt president de sa seccion Lengadòc. Es ara president d’onor de la MARPOC.
D’un còp la polida detectiva s’avisèt d’un cambiament dins lo biais de son companhon. Lo bruch del mastegar golibaud s’èra calat subte. Lo pelhandràs demorava tancat coma en extasi, los uèlhs sens expression negats dins la contemplacion d’un asuèlh fosc. Solet se devinhava al dintre de la boca entredobèrta en fina lisqueta lo lent vai-e-ven de la lenga que cordurava lepeta d’una gauta a l’autra. Al cap d’un temps s’ausiguèt o puslèu se legiguèt sus las pòtas dins un bof tèune : « Moton ! ».
