Parution : 03/05/2004
ISBN : 285910321X
224 pages
11 x 21 cm
12.00 €
ISBN : 285910321X
224 pages
11 x 21 cm
12.00 €
Joan GANHAIRE
Sorne trasluc (lm) (ATS 162)
Azram, alias André Levasseur, Grand Mestre de la secta daus Frairs de las Estelas es estat trobat mòrt en debàs dau bauc ente, un ser de trasluc, era vengut far omenatge aus fòraterrenaus que ne’n es lo representant sus terra. L’estranh personatge s’es pas fach nonmàs dau amics dins lo pitit borg de Nauta Dordonha ente s’es vengut installar, e tot plen de monde son pas mau content de sa disparicion… Lo comissari Darnaudguilhem e sa fina còla, que ne’n es aquí la prumiera aparicion, de faussa dralha en estonantas descubertas aurà plan dau mau a claure son enquesta dins un desbotjament inesperat e doleirós.
Joan Ganhaire es un escrivan perigordin qu’escriu sas òbras en lemosin. Es nascut a Agen en Òlt e Garona lo 21 de mai de 1941. Après aver seguit sos estudis segondaris a Peireguers estudièt la medecina a Bordèu per s’installar com mètge en Peirigòrd ont naissèt sa vocacion d’escrivan occitan. Obtenguèt lo Prèmi Jaufre Rudèl en 2001 amb son òbra Lo viatge aquitan.
"L’òme marchava d’un bon pas sus lo sendareu que menava au bauç. Drech davant, una luna redonda, roja enquera se levava de l’autre costat de la valada… Quo era vertadierament una bona nuech per parlar coma los Essers de las Estelas… Leu, ‘ribet a l’esclarsiera. La luna, aura aviá perdut sa rojor e tota blancha eslonjava las ombras daus pitits ginebres e daus jariçons. D’un còp, auvet un bruch de pas, dau temps qu’un fralassament parier coma lo d’una serp se fasiá auvir dins son eschina. Mas qué quo es… La quita erba era pas pas coma d’avesat. Viret lo chais, mautranquille.
La sòla fuget jos so pès. La darriera chausa que veguet fuguet lo ceu de la nuech blanchinhardat per lo trasluc. E sa testa espetet."
La sòla fuget jos so pès. La darriera chausa que veguet fuguet lo ceu de la nuech blanchinhardat per lo trasluc. E sa testa espetet."
